Tamu(Sagaing ramṭhen): India-Myanmar ramri Ṭamu khua le Natphalong khua karah nikhatni zaan suimilam (08.00) hrawngah ruahlo piin mawṭaw saikel pahnih an i pah le minung (2) an thi i minung (2) fak piin an i hliam, hma an pu tiah thawng kan theih.
Tamu khuachuah hlei van lawnh ” Tang lampi” cungah an i pah hi a si i, a mongtu pakhat mahka hmun ahcun a thi colh. Khattelei saikel a mongtu pa cu Tamu siizung a phak hnu nihnih ni (tuni) chun ah a thi tiah theih a si.
Saikel an i pahnak hmun i a thimi cu Tamu khua dawrthluan (Yeeṭan) sang in Lian Khu Pawng (28) a si tiah theih a si. Fak piin hliamnak a tongmi kum (30) hrawng a simi nu pahnih hna cu Tamu siizung ah an i thlop tiah kan theih.
Salai Biak Lian Thawng(K)